打造完美身段：點解「練肌」同「消脂」缺一不可？

要有完美嘅身段，除咗消除脂肪之外，仲需要鍛鍊肌肉，才可以達到最好嘅效果。無論肌肉幾好，如果收藏咗喺厚厚嘅脂肪之下，就表現唔到出嚟。換句話說，就算脂肪幾薄，如果沒有肌肉線條，身段亦只是一個柔弱嘅外觀。所以今日我哋就嚟講下練肌消脂。  

認清脂肪種類：你減緊邊種脂肪？

消除脂肪唔係一件簡單嘅事，脂肪基本上分為皮下脂肪、內臟脂肪，和恒常脂肪。量度一個人有冇過分肥胖，通常都是利用體質指數 BMI (Body Mass Index) 又或者更加準確嘅脂肪比例 PBF (Percentage Body Fat)。  

• 全面性肥胖：當一個人肥胖嘅話，皮下脂肪同內臟脂肪都過高，喺呢個情況，要減少脂肪就需要改善生活習慣，例如做運動同控制健康飲食。記着一個不爭嘅事實：如果一個人有 180 磅嘅生活模式，佢嘅體重也必然是 180 磅。癡肥嘅話，就可能需要利用醫學程序減肥，例如處方成藥。由於肥胖是皮下脂肪和內臟脂肪廣泛過多，所以修身儀器又或者抽脂手術喺呢個情況下並不適合。  

• 恒常脂肪：相反，如果一個人嘅體質指數 BMI，又或者脂肪比例 PBF 係正常的話，只是一些局部地方脂肪比較厚，呢啲是因為局部地區性皮下脂肪過多。呢啲脂肪點樣訓練和減肥也消除不了，可以稱之為「恒常脂肪」。例子有手臂拜拜肉、副乳肉、胃腩仔、腰側 call 機肉、大腿內外側脂肪，和眼袋等等。呢啲就可以透過修身儀器、抽脂手術嘅方法去解決。  

常見嘅醫學修身技術

科技日新月異，可以透過以下常見嘅技術達致療效：  

• 冷凍熔脂：由於脂肪細胞怕凍不耐寒，所以當我哋利用冷凍技術將皮下脂肪溫度降低至負 10 度左右，脂肪就會自我凋亡及分解。為咗加強準確度同冷凍深度，冷凍時亦會採取真空抽吸。

  

  將皮下脂肪溫度降低至負10度左右，脂肪就會自我凋亡及分解

• 射頻熱力熔脂：利用射頻能量，透過特定嘅頻率，穿透直達皮下脂肪，將溫度提升至 40 至到 47 度，亦可以令脂肪細胞自我凋亡和分解。由於溫度提升，亦有助於骨膠原收緊，達致緊緻皮膚，另外亦可改善血液循環，對改善橙皮紋比較有效。如果配合冷凍熔脂的話，會令到溫度落差更加大，使脂肪細胞凋亡嘅效率更加高，因此配合冷凍熔脂效果理論上更加好。

  

  利用射頻能量，亦可以令脂肪細胞自我凋亡和分解

  

  橙皮紋的主因是脂肪過多，皮膚鬆弛，和水腫。

• 激光熔脂：同樣利用脂肪怕熱嘅原理，利用特定波長嘅激光，將能量傳到皮下脂肪，將溫度提升至 42 度 47 度，引發脂肪細胞自我凋亡。但是能量運用要比較小心，尤其是亞洲人嘅皮膚比較深色，容易吸光和受到激光傷害，引致燒傷同色素問題（色素沉着或白化）。另外如果治療部位有紋身的話，亦不適宜，比較多限制。  

• 聲波熔脂：利用超聲波原理，產生共鳴震動，將脂肪打散和乳化。這需要脂肪嘅含水量比較高，如果喺正常嘅脂肪含水量下（大概是 10 到 20%），效果不太理想，所以需要額外注射鹽水或腫脹劑提升效果，程序比較入侵性。另外亦可以利用高能量聚焦超聲波，但是這種方法對提升平面溫度能量比較好，主要用作筋膜層嘅收緊和提升，對消脂嘅有效治療範圍比較狹窄，效果不太理想。  

肌肉：人體嘅「脂肪焚化爐」

訓練肌肉可以令到線條更加突出，塑造腹肌輪廓、人魚線同馬甲線就需要訓練肌肉。另外肌肉是脂肪嘅焚化爐，擁有良好肌肉可以提升新陳代謝和更加容易燃燒脂肪。訓練肌肉嘅方法主要有主動性和被動性：  

• 主動性肌肉訓練：當然是做運動，例如帶氧運動和負重運動等。肌肉嘅收縮形式是透過大腦控制運動神經線，命令肌肉收縮，順序是由小肌肉到大肌肉，這樣的話，令到我哋可以細緻地控制肌肉動作。由於有阻力和負重，對肌肉強度嘅調整比較好。但是每次肌肉收縮嘅時候，並不能把所有肌肉達到極限收縮，正常只有 20% 到 30% 嘅肌肉能夠有效訓練，如果對一些不想做運動嘅人，考慮可能更差。

  

• 被動性肌肉訓練：這就是利用一些高強度電磁場，又或者多向生物電理刺激，刺激運動神經線引致肌肉收縮訓練。由於所有運動神經線喺同一個刺激下，會同時令到所屬嘅肌肉組群收縮，所以可以達致接近 100% 嘅肌肉訓練，稱之為極限肌肉收縮 (super-maximal contraction)。有研究顯示，如果用這種方法去訓練肌肉，30 分鐘嘅訓練可以達致二萬次肌肉收縮嘅效果。高強度電磁場嘅好處是比較深入和範圍廣闊，適合大範圍訓練。而多向生物電理刺激比較多層次和重點訓練，適合重點修形，兩者配合會好一點。如果被動性肌肉訓練可以配合主動性訓練的話，就可以令到全面肌肉有訓練之下，他們嘅強度亦可提升。